الثلاثاء، 27 فبراير 2007

الحريه هل هى مطلب لنا ام حق ؟

الاستاذ الداعيه المحبوب ورجل الاعمال الشريف ذا الايدى النظيفه / محمود عبد الجواد


بسم الله الرحمن الرحيم
الحرية
الحريه لعبد الجواد وخيرت ومالك والحداد
الحريه لعصام وبشر وايمن وبلاش عناد
الحريه لصادق واسامه وياسر وكفايه فساد
الحريه لسعودى وخالد وجمال وكفايه استبداد
الحريه لبسام وحافظ وفريد وفرحات
الحريه للنحاس وحوده واشرف ابو الولاد
الحريه لانس وحبيبه وعيشه وباقى الاحفاد
الحريه لسلمان وولاء وايمان وباقى الاولاد
الحريه لاحمد ومحمد والدكتور والعامل والصياد
الحريه للابطال وا مسكوا الحرامى والقواد
الحريه لمحمود عبد اللطيف عبد الجواد
البنا واخوانه
الاخوان فى كل شبر فيكى يامصر واسالوا بتوع التعداد
جايبين الخير ليكى يابلدى ولكل اهلك الشداد
دى دعوة البنا خير ليكى يامصر ولكل البلاد
دعوته من دعوة نبينا محمد رسول رب العباد
ده البنا قدم روحه فدا الاسلام واسالوا الاشهاد
واحنا كمان برضه على اتم الاستعداد
دى الجنه غاليه يا ناس والتمن دم ونفس واولاد
بالله عليكم افرجوا عن الشاطر و عبد الجواد
مصر حرة
عشتى يامصر وعاشوا ولادك المخلصين الافداد
يحموكى من شر الخونه والظلمه والفساد
يحميكى ربى يا مصر من شر الحساد
من شر مبارك وحكومته شلة الاوغاد
لو طلبتى الروح خديها ومعاها كمان الاولاد
ده انتى مظلومه يا بلدى من 7000 سنه قبل الميلاد
ومع ذلك لسه واقفه صلبه قويه فى وش الفساد
دى مصر غاليه علينا دى ارض الكنانه يا اسياد
بلادى بلادى تعيشى حرة وسط البلاد

رغم الظلم رغم الظلمه رغم الحقد والاحقاد
بالروح بالدم نفديكى يا مصر من الاوغاد
ده رسولنا قال على شعبك انهم خير الاجناد
و قال ان احنا ليوم الدين فى جهاد
صدقت يا حبيبى يا محمد يا خير العباد
الظلم حرام
ربنا حرم الظلم على نفسه وجعله حرام بين العباد
يقول مبارك لا والف لا ده الظلم اساس حكمى للبلاد
نسى انه يوم العرض هيكون حافى وعريان وسط العباد
غبى اللى يعمل كده يا ريس لا ظلم ينفع ولا فساد
ياناس يا عالم ياهوو حد يقوله ياعم كفايه استبداد
كفايه ظلم وقتل وسرقه وامراض
خلاص احنا زهقنا واعلنا الحداد
بس والله لو قطعتونا حتت ما حنهرب ونسيب البلاد
ولو حتى اخدتم فلوسنا وبيوتنا وبعتهوم فى المزاد
هنعمل غيرها ومن الصفر هنبدا وحنعمل امجاد
احنا الاخوان الله اكبر احنا دايما فى جهاد
يا ريت كلامى يخفف عنكم الغربه والبعاد



والبقيه قريبا ان شاء الله تعالى

ابنكم واخوكم

مهندس/ فاروتا
farota

هناك 5 تعليقات:

AbdElRaHmaN يقول...

ما شاء الله
عليك يا باشمهندس
رائع ما قلت
فعلا كلمات جميلة جدا
مدونة بدايتها رائعة
لك تحياتي
أخوك
عبدالرحمن

غير معرف يقول...

ما شاء الله يابوحميد شعرك جميل بس مش شايف انك بتتبالغ شوية فى الدفاع عن الاخوان معلش انا مش قاصد نجرح فى حد معذرة اخوك حمدى من ادكو

غير معرف يقول...

احمد فاروق تذكر قول الحق تبارك وتعالى(لايسخر قومامن قوم عسى ان يكونواخيرا منهم)تذكرتنى انا الذى كنت تسخر منه امام الناس والله يجماعةانا ضد النظام الفاسد فى هذا البلد ولكن هل الاخوان هم السبيل كلا والف كلا انهم يلعبون بالعقول ويجرون الشباب الى الهاوية

غير معرف يقول...

احمد فاروق منذ متى وانت تتكلم عن احوال الامة هل هذه كانت حياتك من قبل انت كنت دائم الهرج مع من حولك ولو على حساب جرح مشاعر الاخرين ومن مثلك الاعلى هل هو محمود عبدالجواد نعم المثل الذى يحتذى به ارجو من الناس ان يدركو من هم الاخوان والله انا كنت ورائهم واكتشفت حقيقتهم والحمد لله

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه