الثلاثاء، 24 أبريل 2007

ان شاء الله نكون عند حسن ظن سيادتكم

بعد قرار عمل مدونه للحاج الفاضل محمود عبد الجواد
قررت انى ادون هنا بقى لنفسى يعنى حاجات شخصيه كنت حابسها هنا علشان دى مدونه مشتركه
الان ادون حاجات شخصيه
وربنا يستر بقى
وتعجبكم ان شاء الله
بس انا زعلان منكم شويه اااه منك انت كمان ايوا انت؟
علشان مافيش غير واحد او اتنين بس اللى بيعلقوا
هوانا لا سمح الله بقولكم علقوا على الشاى
لا طبعا علقوا على البوست
وتعليقه قليله تمنع بلاوى كتيرة
هو انا هشحتها منكم
ربنا يكرمنا كده كلنا
اللهم امين
وانتظروا ان شاء الله شويه شعر طازة من الشعر النص كم اللى انا بكتبه
وجزاكم الله خيرا على الاطاله وعلى اى حاله وعلى المدونه اللى مش بطاله وعلى كمان الاقاله
اخوكم
فاروتا المصرى

هناك 17 تعليقًا:

مصراوي أوي يقول...

ليا الشرف اني اكون اول كومنت في اول بوست شخصي ليك يا عالمي يا مدون يا نجم داحنا لينا الشرف يا باشا انا نقرالك اشعارك اللي دمها خفيف جدا وبتضحكنا يا فاروتا من قلوبنا ف عز ما بتكون العمليه ضالمة خالص
ومتنساش تعلق ع الشاي

free gawad يقول...

هههههههه
جزاكم الله خيرا اخى مصرواى
انا اللى الشرف انك تنور مدونتى طبعا
وتعالى الشاى يكون جاهز على طول

همسة قلم يقول...

ونحن في انتظار اشعاركم التي تمتعنا دائما اخونا الكريم فاروتا

وقرار طيب لفصل المدونتين على ان تهتم بهما دون واحدة على حساب الاخرى :)

وفي انتظار جديدكم ان شاء الله تعالى

اختكم

فاروتا المصرى يقول...

السلام عليكم
جزاكم الله خيرا اختنا همسه قلم على تعليقيك
ان شاء الله يكون نفس الاهتمام
وان شاء الله الجديد دايما يعجبكم
اخوكم فاروتا المصرى

khadiga يقول...

ونحن في الانتظار
وهنعلق إن شاء الله ونقول رأينا
بس عموماً بجد شعر حضرتك جميل جداً
وفيه لمسة إبداع عالية
بالتوفيق

صاحب البوابــة يقول...

اتمنى من الله أن يفك اسر جميع المعتقلين

تحياتي لكل شرف على تلك الارض

التى اعشق ترابها

-------------------
صاحب مدونة البوابة

رينـــــــــــا يقول...

ربنا يفك أسرى كل المعتقلين ياااااااااااارب
انا مستنيه اشوف الشعر لانى بحبه اوى:D

فاروتا المصرى يقول...

السلام عليم
اختنا الغاليه خديجه شكرا وجزاكم الله خيرا على كلامك
ربنا يكرمكم زى ما رفعتوا من روحى المعدنيه!!!!
--------
اخونا الحبيب صاحب البوابه
فك الله اسر جميع المعتقليين
قولوا امييييين
ونورت المدونه يا حبيب
---------
اختنا الانسانه
ريــــــــنا
شكرا على تعليقك
ان شاء الله الشعر يكون قريب جدا

ومدونتك جميله ماشاء الله

ونورتى المدونه
وياريت تشرفينا على طول

محمد السيسى يقول...

http://mohasisi.maktoobblog.com/
فاروتا المصرية
الحرية لمصر
الحرية للأخ عبد الجواد
الحرية للشاطر وإخوانه
محمد السيسى المحامى

عصفور المدينة يقول...

أؤمن على دعاء إخواني جميعا بفك اسر المأسورين وتثبيت اسرهم والربط على قلوبهم
وفي انتظار جديدكم وقصائدكم

فاروتا المصرى يقول...

.ا محمد السيسى
سيدى الرئيس حضرات المستشاريين هئيه المدونه الموقرة
ان موكلى ...
لالا معلش
ااه نورت مدونتى يا باشا
-----
عصفور المدينه طار وجه عندى
ايه النور ده اللى شرفنى وونورتى
جزاكم الله خيرا

امام الجيل يقول...

يا الف مرحب بيك وبالمدونة الجديدة يا ريت تطلع اللى جواك ومتخفش هنستحملك قول وسيبها على ربنا

واحد من الإخوان يقول...

هعلق مرتين
مرة عشان اقول مبروك على المدونة
ولو إنها متأخرة

محمد حمزة

واحد من الإخوان يقول...

ومرة تانية عشان اقول إن بجد طريقتك في الكلام عجبتني
كلها صراحة و خفيفة في نفس الوقت
خفيفة يعني مش معقدة غشان في ناس بتفسرها حاجة تانية

محمد حمزة

شهاب الأزهر يقول...

إيه الهيصة والدوشة اللي هنا دي؟؟

هوا انت يا جدع انت ماتعرفش تفصل المدونتين عن بعض بالراحة ومن غير دوشة؟؟

طيب عموما أنا مستني الشاي والتورتة والساقع.. مكن تبعتهم بسرعة؛)



ألف مبروك حبيبي وقرار ميمون إن شاء الله ونحو الأفضل لدعوتنا :)

فاروتا المصرى يقول...

سلامو عليكو
اخى بل امامى -- امام الجيل
نورت مدونتى يا حبيب
ان شاء الله هطلع اللى جوايا من غير خوف لانى الحمد لله ماعرفش الخوف او متعودتش عليه الحمد لله
-------
اخى الحبيب امام الجيل
نورت مدونتى بتعليقك الجميل
لانك جدع ومحترم وكمان اصيل
لانك من مصر بلد النيل
انت القمر بتنورنا بالليل
وان شاء الله يكون الرسول ليك دليل
فاروتا المصرى بيمسى عليك يا جميل
----------=========----------
واحد من الاخوان
منور ياعم من زمان
والمدونه بنورك بقت بستان
وطول عمرك يا باشا فنان
وعلقتت عندى تعليقان
شكرا يا اجمل انسان
--------=======-----------
اخونا الحبيب الغالى شهاب
يا ميه فل على زينه الشباب
وعلى اغلى حبيب من الاحباب
مدونتى نورت بيك وانت عالباب
مستنى انا منك العيش والكباب
وطبعا كالعاده هتاخد اكبر مناب
وبدل الشاى يا حبيبى نشرب عناب
اصل اخوك خلاص كبر وشااب
ده كلام حب طبعا مش عتاب

اخوكم فاروتا المصرى ياتيكم بكل ما هو عصرى

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه