الثلاثاء، ١٥ مايو ٢٠٠٧

شويه حاجات

اول حاجه طبعا
حسبى الله ونعم الوكيل فى اللى حصل
حكم بمنع تنفيذ قرار الرئيس
وبعدها بكام يوم حكم من محكمه غير مختصه وشويه مستشارين لا يخافون الله وتابعين للسلطه التنفيذيه بقبول طعن الحكومه
وطبعا برضه حسبنا الله ونعم الوكيل
تانى حاجه
بصراحه انا مش فاضى ادون او اكتب شعر فعلا
لانى اشتغلت
الحمد لله
اشتغلت فى التجارة مع والدى
طول اليوم بره وطبعا برجع تعبان مش بشوف حد ولا حتى المدونات بتاعتى غير نص ساعه تقريبا يوميا
بس بالله عليكوا ادعولى
تالت حاجه واهم حاجه
انا خلاص زهقت يا ناس عايز اخطب واتجوز
طبعا واحد فالح يسالنى طيب وايه اللى مانعك ما تتجوز
اقوله ما اللى ايده فى الميه مش زى اللى ايده فى النار
يعنى شويه ظروف مؤقته ان شاء الله
وخلال ايام باذن الرحمن هعلن انا خطبت بقىىىىىى
رابع حاجه
حاجه برضه مهمه
الواد مصراوى اوى وحشنى
واخويا الحبيب شهاب حبيب الشباب واحشنى
واخويا الحبيب سعد الشاطر
واحشنى جدا
وطبعا عبد الرحمن عياش اللى مش بكاش

هناك ٧ تعليقات:

رينـــــــــــا يقول...

وانا اقول غايب فين غايب فين
اتاريك اشتغلت
مبـــــــــروك بلاش مبارك علشان السيره
ربنا يوفقك ان شاء الله وتتزوج
وان شاء الله كمان تتفوق فى شغلك

بالنسبه للقرار بئا انا محروق دمى وبلاش تفكرنى علشان الضغط
ياله فى حفظ الله وابئا طمنا عليك واعزمنا على الخطوبه
او هات هنا حته تورته وخلاص :)

مصراوي أوي يقول...

نمسك بقي حاجة حاجة كدة

اول حاجة طبعا حسبي الله ونعم الوكيل واستحالة انهم ينجحوا في القضاء علي تلك الدعوة المستمدة من سيرة النبي صلي الله عليه وسلم......ينسوا يعني بمعني اصح

تاني حاجة مبروك الشغل وهتبقي تاجر عظيم ان شاء الله بس جت علي حساب اني مش بشوفك بس ياللا طالما انك بخير دي عندنا الاهم


تالت حاجة ورب العزة يا شيخ انا كمان عااااااااااايز اخطب يا عالم عايز اخطب ياهوووووو بس اديني بدور مش عارف مقفلة ف وشي ليه يمكن ربنا له حكمة ف كدة ....ولما الاقي بنت ممتازة والامور كلها زي مانا عايز اجي اعمل استخارة مرتحش!!!!!!!! يااللا خيييييير ان شاء الله .....ويارب يا فاروتا اسمع الخبر بتاع خطوبة فاروتا المصري قريب جدا ان شاء الله


وفرحت جدا انك ذاكرني في تدوينتك دي لانك دايما سباق بالخير وبتسأل عني لانك واد شهم واخ مية مية:) والسلام

همسة قلم يقول...

بداية الف مبروك العمل اخونا الكريم فاروتا ربنا يجعله بداية خير لكم ويفتح بيكم وليكم ابواب الخير

ثانيا ربنا يكرمكم وتلاقوا الزوجة الصالحة اللى تعينكم على امر دينكم ودنياكم انتم وجميع شباب المسلمين

الثالثة والمهمة حسبنا الله ونعم الوكيل
بس الفجر طالع طالع مهما حاولوا يخبوه والله المستعان على مايصفون

belbesy يقول...

الف مبروك على انك استقريت ولاقيت نفسك واشتغلت
وان شاء الله برضه تمارس هواياتك وتمتعنا بشعرك الجميل
وبرضه تمتع خطيبتك قبل الجواز طبعا
هههه

ونيجى بقا للحكومه واللى عاملاه فينا
كل يوم حرقه دم ومش فى حد نشتكى ليه وعارفين انه قادر يصعقهم الا الله سبحانه وتعالى
فحسبى الله ونعم الوكيل
وهذه الدعوه هيا سيف الله القاطع فى ارضه

ويا ريت كمان ندعى عليهم باللعنه
وهى الطرد من رحمه الله
وبكده يبقى خدنا حقنا كمدنيين
عشان برضه حرقه الدم والضغط وكده

امام الجيل يقول...

طب الحمد لله مبروك يا فندى وعقبال العروسة طب مدام كلها ايام مالك متضايق ليه ومستعجل على الخطوبة ربنا يوفقك ويرزقك بالذرية الصالحة ومبروك على الميزان بس اوعى ايدك والكبس وحاسب على الرخامة
بالتوفيق

فاروتا المصرى يقول...

السلام عليكم جميعا
جزاكم الله خيرا على الرد

اختنا رينا جزاكم الله خيرا وربنا يوفقك انت كمان
مش عارف حاسس انك طالعه بدورين
اكيد انتى فاهمه

حبيبيببيبيبيبيبيبيى مصراوى
شكرا ياريس وربنا يكرمك ونلاقوا عروستين احنا الانين

همسه قلم اختنا الغاليه اسماء
جزاكم الله خيرا وربنا يوفق انتى كمكان اللهم امين

حبيبيبى بلبيسى الرنتيسى
شكرا يا حبيب ياغالى وعثقبال عندكم يا شرقاوى يا كريم يا عظيم

حبيبيبى امام الجيل
ربنا يكرمك يا حبيبى ويسترها معاك ياخى انتى واحشنى فينك

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه