الجمعة، 13 يوليو 2007

يوم خلسه فى وسط الجلسه

الساعه الواحده بعد منتصف الليل يوم الاربع
جالسين عند واحد صاحبنا دكتور (المكان اللى بنسهر فيه كل يوم)
ان شاء الله ناويين ننزل بلطيم نغير جو لمده يومين ولا حاجه
اتفقنا نتقابل يوم الخميس عند صلاة الظهر نصلى ونتوكل على الله
فجأه وبدون مقدمات
يالا بينا حالا؟؟؟؟
يا رجاله ممكن؟؟
خلاص كل واحد يروح بيته يجيب حاجاته ويجى بسرعه
وبالفعل
نزلنا الساعه 2.30 بالليل
وصلنا الحمد لله بلطيم الساعه اربعه الا ربع
نزلنا اقرب مسجد
صلينا الفجر وبدء اليوم
كان لازم منه اليوم ده
لازم نغير الروتين اليومى اللى احنا عايشينه
لازم نفك نفسنا شويه يا اخواننا
؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان نقدر نواصل مسرة الحياة
والحمد لله رجعنا الجمعه قبل الصلاه
وعقبال عندكم
الحمد لله كنا 6 مننا اتنين اخوان == العبد لله ودكتور كمان= والباقى اصاحبنا برضوا محبين
ورجعنا بالسلامه من غير اخواننا البعدا فى امن الدوله ما يسمعوا بينا كانوا ممكن يعملوا فينا زى بتوع الهانوفيل بس ربنا ستر
تحديث
على فكرة العبد لله قاعد من غير شغل يعنى الروتين اللى انا بتكلم عليه هو== نوم ثم اكل وشرب ثم نت ثم نوم يتخللهم اوقات الصلاه
===================================
الف سلامه لاخويا وحبيبى الغالى ابو مقام عالى
مصراوى اوى
واتم الله شفاءه على خير ان شاء الله
=================
اخونا عبد الرحمن وجدى يطلق مدونه شهد الكلام - الحريه لعبد الجواد
زورها وباركوله
اخوكم

هناك 16 تعليقًا:

االجحيم هو الحقيقه يقول...

الحمد لله ان ربنا ستر
تحيا تى

ro7 يقول...

يابخت حضرك في ناس مش بتغير الروتين بتاعها غير كل فين وفين تحياتي

mo'men mohamed يقول...

حمد الله على السلامة يا غالى
وألف سلامة على مصراوى قوى

Medo Magdy يقول...

غير الروتين وضبط نفسك انت ياعم
يابختك
انا مش بحسد ولا حاجة
انا بأر بس
:p

bedo2010 يقول...

الحمد لله على سلامتك يا ابو حميد
وبلغ بيجن احتجاجى الرسمي على ضم القدس
وشكرا على الاعلان يا فاروتا يا غالى

فاروتا المصرى يقول...

الجحيم = متغير الاسم ده ياعم
المهم
نورتنا ياغالى
وعقبال عندك
------------
روح
مش عارف اقول ايه شكرا لزيارتك وربنا ينفع بيكى
------------------
حبيبى الغالى مؤمن
شكرا
ومعلش
ةلعلك فهمت وعرفت سبب تاخرى فى طلبك
عذرا ياخى والله---------
--------------
ميدو باشا فينك ياعمونا
انت بتظهر تظهر وبعدين تختفى فجاءة
---------------
بيدو صديقى
الله يسلمك
وبلغ على طه احتجاجى على ضم القدس
ولا شكر على واجب

رينـــــــــــا يقول...

السلام عليكم
انا جيت اهوا:D
اييييييييييييييييه دنيييييييا
الواحد مكنش طلع ولد علشان ينطلق لما يزهق كدا :D
الحمد لله عدت على خير

فاروتا المصرى يقول...

نورتينى وشرفتينى بتعليقك

معلش بقى ده نصيب

ابوزياد الفاتح يقول...

اخوك زيك برضه
نوم نوم نوم نوم على طول
شد حيلك
طالما ده عملك
يبقى لازم تتقن العمل ده على قد ما تقدر
يعنى نام بضمير كده
مش نوم متقطع
واحلم على قد ما تقدر
وشد حيلك
س ازاى انت من الاخوان وبتنام
امال انا مش بلاقى وقت انام فيه
ايه ياعم
شد حيك بقى
دعواتك
وكرر الزياره

امام الجيل يقول...

القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
وما ألمنى اكثر ولم اقرأه إلا عند كتابة هذه الرسالة هي كلمته الأخيرة
donot forget me

وكانت رسالة أحمد الجيزاوى كالآتي
رسالة للجميع
أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
والسلام عليكم ورحمة الله وبركاته ...أخوكم منذر
نقلا من مدونة حين البأس...لاخويا منذر

AbdElRaHmaN Ayyash يقول...

ربنا ييسر لك يا عم و الحمد لله
الف حمد الله على السلامة

علاء يقول...

ده موضوع التجمع ياريت أعرف رأيك

المدوّن خانة

عمرو المصري يقول...

حمد الله علي سلامتك

فلت منهم علي خير

وان كان لو كانوا عملوا فيك زي بتوع الهانوفيل مثلا متستسلمش


اضرب نار فجر نفسك فيه
امل زي جاكي شان وطيح فيهم واطلع اجري قلهم وربنا لو مسبتوني لغرق نفسي في البحر


كده يعني اي منظر

ولا أنا غلطان



سلامي
من
ارض الحرب

هاني جابر يقول...

حمد لله علي السلامه
الحمد لله ربنا ستر معاكوا
وربنا يستر معانا
اكون سعيد جدا لو شرفتني علي المدونة

امام الجيل يقول...

ربنا يرزقك من فضله
هى بقت حكاية ولا ايه محدش هيعرف يصيف ولا ايه مش معقول
السجون مش هستحتمل كده ولا يبقى يعملوا سجن بحرى ويخلصوا

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه