الأربعاء، 18 يوليو 2007

قاهرة المعز اصبحت قاهرة ابن عز

السلام عليكم
از يكم يا حبايب
العبد لله كان عنده مشوار فى العتبه يوم الثلاثاء
رحت ميعادى الساعه 10 وصلت 10.15 صباحا
علشان كان عندى مقابله
انتر فيو يعنى
كان دكتور عبد الحميد زغلول (عضو مجلس شعب) مقدم لى فى وظيفه يعنى وربنا يكرمه
المهم الراجل الحمد لله الى مفروض نقابله خلص اجتماع الساعه 3.15 قبل العصر
يعنى فضلنا ملطوعين من 10 الى 3 ننتظر الباشا اللواء
وفى الاخر كل واحد قعد جوا عنده دقيقتين
وبعد كده طلعت الحكايه لو فى نصيب يعنى عقد سنوى ويجدد تلقائى او يلغى حسب مزاج البشوات
==================
بعد كده نزلت ازور اخويا وحبيبى الكبير اوى
وقعدت معاه فى بيته وربناا يتم شفائه على خير ان شاء الله
واتغديت معاه بصراحه اهل كرم
كانت جلسه ممتعه فعلا
مع انى معرفش مصراوى غير من كام شهر الا انه فعلا اصبح اكتر من اخ وكانى اعرفه من سنين
واشهد الله انى احبه فى الله
ربنا يحفظك ويشفيك ويثبتك ويجوزك يا دكتووووووووووووووور
=======================================
جار مصراوى لما عرف انى جاى انتظرنى
لما العبد لله اتاخر فى المقابله
راح اخونا شهاب نزللى العتبه
ربنا يكرمك يا شهاب ويثبتك وينفع بيك
==================
اكتر حاجه فعلا زعلت منها ان كان فى مؤتمر فى نقابه المحامين
وانا كنت جنب منها ومعرفش
كان نفسى فعلا احضره
بس مافيش نصيب
اخوكم
بالله عليكم ادعولى يا جماعه الخير

هناك 10 تعليقات:

اسلام رفاعى يقول...

ربنا ييسرلك ويقدرلك الخير يارب وواحشنى مدونتك نفسى ازورها من زمان

دعوة الفردوس يقول...

قبل مااقرا اي حاااااااجه

ايه العنوان الجامد ده

ربنا يباركلك

رينـــــــــــا يقول...

يعنى بذمتك يوم ما تنزل مصر
اول ما تنزل تنزل على العتببببببببببببببببه مرة واحدة
دا احنا اهلها مش بنقدر نروح هناك من الزحمه

ربنا يقدملك اللى فيه الخير ان شاء الله
ويسرلك امورك

ربنا يشفى الاخ مصراوى ويجعله فى ميزان حسناته ان شاء الله

نورت مصر:)

مصراوي أوي يقول...

شعور غريب اني اشوف واحد لاول مرة في حياتي وأحس اني اعرفه من سنين بجد حاجة غريبة

انا ناوي باذن الله لما اتعافي بس اني اكتب تدوينة عن زيارتك ليا يا فاروتا

وزعلت جدا اني تعبت وانت قاعد معايا كان نفسي امسك فيك وهتكرر باذن الله بس ادعيلي ربنا يتم شفاه ليا علي خير

بجد نورتني وانت انسان بجد وع الطبيعة كمان اجمل من النت شكلا وروحا

صاحب البوابــة يقول...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

ro7 يقول...

السلام عليكم بجد انا سعيدة جدا لوجود الحب في الله والتآخي بين الاخ فاروتا والاخ مصراوي بجد ربنا يبارك في حبكم لبعض وربنا ييسر لك امرك يا اخ فاروتا ويرزقك بالرزق الحلال الطيب المبارك فية وربنا يشفيك يا اخ مصراوي ويعافيك شفاءا لا يغادر سقما ان شاء الله بورك فيكم وغفر لكم واثابكم الفردوس الاعلي تحياتي

كرم مسلم يقول...

السلام عليكم

ربنا يوفقك لما يحبه ويرضاه

ربنا يشفى أخيك وأخونا مصروى شفاء لا يغادر سقما

آمين

وجزاكم الله خيرا

جمعاوى روش طحن يقول...

الباشا الكبيير

ربنا يوفقك ياا عم

على فكرة

و لابلاش

جمعاوى روش طحن يقول...

و ربنا يشفى الأخ
مصراوى أوى

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه