الأربعاء، ٨ أغسطس ٢٠٠٧

التاريخ يعيد نفسه

السلام عليكم
ازيكم يا احباب
واحشنى يا غالييين عليا
ربنا يكرمكم وجزاكم الله خيرا على التهنئه بالخطوبه
ويارب عقبالكم كلكم وعقبال كل مشتاق للجنه
اللهم امين
وشكر خاص لاخويه بيدو على انه عمل بوست مخصوص لموضوع الخطبه
ربنا يكرمك يا عبد الرحمن وتخطب انت كمان
----------------------------------------
طبعا انا الحمد لله مبسوط انى خطبت ومبسوط اكتر انى خطبت الانسانه دى
فاللهم لك الحمد كما ينبغى لجلال وجهك وعظيم سلطانك
-----------------------------------
الحمد لله خطيبتى انسانه ملتزمه جدا ومحترمه جدا وطموحه
الحمد لله
خريجه كليه تمريض اسكندريه
==============================
اما بخصوص العنوان
التاريخ يعيد نفسه من 30 سنه
فانا والدى راح يخطب من 30 سنه والدتى سنه 77 وسبحان الله نفس الشخص اللى استقبله لانه ولى امر العروسه كان هو نفس الشخص اللى استقبل والدى سنه 2007 وهو رايح يخطبلى لانه برضه ولى امر العروسه ازاى؟؟
والد العروسه يعنى حمايا هو عم والدتى يعنى فى مقام والدها لان والد امى يعنى جدى توفى قبل ما الخطوبه بتاعتها
تتم
سبحان الله بعد 30 سنه يتكرر نفس الموقف بس مع تغيير العريس والعروسه
=============================
والحمد لله اول مرة اروح للعروسه وقعدت اتكلمت معاها لقيتها عاقله جدا الحمد لله
وجيبتلها هديه كده خاتم كويس وعجبها الحمد لله وعقبال عندكم جميعا
وعقبالك يا مصراوووى انت وبيدو عبد الرحمن
اخوكم

هناك ٢٢ تعليقًا:

عصفور المدينة يقول...

مبروك تاني يا احمد
وجمع الله بينكما في خير
طبع اذكرك ان خطيبتك هي اجنبية وانت تعلم ذلك

وايضا سعيد جدا بوجود مثل عم والدتك الاشخاص الكبار الذين يتحملون المسئولية ول

حزيــــــــــــــــــن يقول...

الف مبروك يا اخى
بارك الله لكما وبارك عليكما وجمع بينكما فى خير
انا سعيد ان اول زياره ليك تكون فى المناسبه السعيده دى
ربنا يتمم بخير

mo'men mohamed يقول...

فاروتا حبيبى
الف مبروك يا باشا
وربنا يكرمك و يجمع بينكما فى خير
بس متبقاش تنسانا بقى فى الجد
سلام يا عسل
وبعدين خد بالك
لو منزلتش انت و عبد الرحمن اسكندرية أنا حنزلكم ادكو
السلام عليكم

فاروتا المصرى يقول...

السلام عليكم
استاذ عصفور
الله يبارك فيك يا حبيبى
وبنا يكرمك
طبعا عارف يا زعيم متقلقش
============
حزين
ربنا ما يجيب حزن ابدا
الله يبارك فيك
ونورت مدونتى وياريت نشوفك على طول
==================
مؤمن حبيبى
الله يبارك فيك يا غالى
وانت تنورنا
وحضر نفسك
31/8
تشرفنا فى البلد

غير معرف يقول...

ابو الاندال سلامو عليكم

عامل ايه يا نجم؟؟

انا شايفك اهو ع الماسنجر بس قلت اعلق الاول

الف مبروك يا احمد فرحنالك جدااااااا

وعقبالنا ياااااااارب

فاروتا المصرى يقول...

وعليكم السلام يا مصراوى يا عازب
وعقبالك ومنتظرك فى اسكندريه

بيدو يقول...

مبروووووووك يا فاروتا
وبعدين لا شكر على واجب وانت تستاهل كل خير
وبعدين انا فرحان انى عازب معرفش انت شاغل بالك ليه بيا كده
عقل صاحبك يامصراوي

belal يقول...

ألف مبروك يا حبيبي
وبارك الله لكما وبارك عليكما وجمع بينكما في خير
..
فين الساقع بقى
..

احمد الجيزاوى يقول...

مبروك يا شاعر والله لو نعرف كنت جتلك انا وكل الاخوة عندى فى الجيزة بس عموما الف مبروك منى خصوصا ومن كل الاخوةعندى فى الجيزة وجمع الله بينكما في خير
احمد الجيزاوى

روح يقول...

السلام عليكم
الف مبرووووووووووووووك
يا اخ فاروتا وربنا
يبارك لك في عروستك
وتكون زوجة صالحة ليك
ومش هوصيك عليها
وربنا يتمم لكم علي خير
بجد الفرح حلو اوي
ربنا يفرح الناس كلها
وعقبال كل البلوجرية العزاااب
وتحياتي ليك ولعروستك

همسة قلم يقول...

بارك الله لكما وبارك عليكما وجمع بينكما في خير اخونا الكريم

بصدق كلما سمعت عن خطبة احد الاخوان الكرام ممن شرفنا بمعرفتهم اسعد بشدة

رزقكم الله الخير معا وبارك فيكما وعليكما وجمع بينكما في خير :)

ammola يقول...

ربنا يتمم فرحكم على خير ويجعلها زوجة صالحة لزوج صالح ان شاء الله
جميل اوى ان الواحد يسمع اخبار حلوة كده

فاروتا المصرى يقول...

اخونا بلال
لقد اسعدنى مرورك
وشرفنى حضورك
=====
اخويا وحبيبى الجيزاوى
ربنا يكرمك يااحمد ومنتظرك قريبا فى الشبكه
جزاكم الله خيرا انت والاخوة فى الجيزة
======
الخت روح جزاكم الله خيرا وعقبال عندك يا اختى
=======
استاذه اسماء همسه قلم
ربنا يكرمك ويعزك
وجزاكم الله خيرا
والعاقبه لكم
===============
امولاا
فينك من زمان
اسكندريه
وناس اسكندريه
يعنى البحر والميه المالحه
وربنا يثبتك

About Me يقول...

ماشي يا عم فاروتا....اللي علي علي ياسيدي
الف مبروك يا حبيبي
وربنا يكرمك و يجمع بينكما فى الخير
ابقى افتكرنا بس

belal يقول...

اخونا بلال
لقد اسعدنى مرورك
وشرفنى حضورك
..
أيوه ..أيوه..فاهم..فين الساقع بقى
..

جمعاوى يقول...

أنا أحتج

و بشدة

لا و ألف لا

يبق تخطب يا أخ فاروتا و كده و لا حس و لا خبر
سكتم بكتم على رأى الأستاذ اللمبى

و بعدين فين الحاجة الساقعه و الجاتوو

و الجوافة و الكلام ده كله

كده يبقى فيه قعدة رجالة

فاروتا المصرى يقول...

ميدووووووووووو مجدى حبيبيبيبيى
انت لسه عايش فينك يابنى من زمان واحشنى والله
وعقبالك يا سيدى
وخلينا نشوفك
=========
حبيبيى بلال
الساقع موجود عند البقال
والبقال عايز فلوس
والفلوس عند ال.......؟
انت عارف الباقى
================
جمعاوى
معلش الحكايه جت فجاه
اذا كان انا نفسى مكنتش اعرف
المهم حضر نفسك تنزلنا قريب جدا
ان شاء الله
وانت تلاقى الحاجه الساقعه والبلح والجوافه ولو عايز فسيخ كمان
ههههههههههههههههههه

AbdElRaHmaN Ayyash يقول...

ألف مبروك للكبير المختفي :)
ربنا يبارك لك يا سيدي و يتمم لك بخير ان شاء الله
و الله جيت اكلمك ماسنجر لقيتك خرجت
و بقالك يومين تلاته مش بتطلع اونلاين
يارب يكون المانع خير
لك سلام

شهاب الأزهر يقول...

اسمع مني منك ليه

أخونا فاروتا الحق عليه

يخطب.. يكتب.. بيقول ليه

بقى مش عارف اننا ليه

هنعمل جرسة والاّ إيه

وبكرة تلاقي بلاد الله

عارفة خطوبته بتدعي الله

إنه يبارك وإنه يتمم ويبلغ فاروتا مناه

ونشوف الشاعر فاروتا التاني والاّ التانية .. ما هي مش فارقة معاه

فاروتا المصرى يقول...

السلام عليكم
اخيرا عبد الرحمن بيه شرفنى بعد طول غياب
الله يبارك فيك وعقبال عندك يا عبده
وعامه مش بكون فى البيت واخواتى بيفتحوا الجهاز ويقفلوا تانى وطبعا كل حاجه ظبطه انها تدخل اوتو ماتيك
وعايز اشوفك والله
----------------د
حبيبيى الغالى شهاب بيه
انت كاتب الكلام الحلو ده ليه
جزاكم الله خيرا يا حبيبى

عاشقة الوطن يقول...

الف الف مبروك يافاروتا وربنا يباركلك ويتمملك على خير ويبارك فى عروستك ان شاء الله

ومتنساش تعزمنا على الفرح وعاوزين الساقع بقي

مااااشي

والف مبرووووووووك

داليا عز يقول...


أخى الفاضل : صاحب المدونة

السلام عليكم ورحمة الله وبركاته

بصفتك مدون عربى ؛ أعوك للمشاركة برأيك فى فكرة انشاء اتحاد للمدونين العرب على هذا الرابط


http://bent-elneel.blogspot.com/2007/10/blog-post_10.html


وأنت أيضا أخى زائر هذه المدونة مدعو للإدلاء برأيك فى المشروع

خطوة جديدة لعالم التدوين العربى

لا تتركنا نتخذها بدونك

شارك معنا برأيك

الإقتراح مقدم من قبل : داليا عز صاحبة مدونة : بنت النيل .. على هذا الرابط


مع تحياتى داليا عز