الخميس، ٢١ يونيو ٢٠٠٧

اخيييييييييييييييييييييييرا زياااااااارة طرة

اخيرا وبعد طول انتظار
قمت بزيارة الحاج محمود فى مزرعه طرة
ابدا الحكايه من الاول ومش هطول عليكو ان شاء الله
اتحركنا من البلد انا وعبد اللطيف ابن الحاج محمود حوالى الساعه تلاته ونص قبل الفجر
علشان كان فى عربيتين رايحين جنب المزرعه على طول واخدونا معاهم
المهم وصلنا هناك حوالى الساعه سبه سبعه ونص كده
اتمشينا لغايه البوابه ودخلنا الساعه تمانيه
الساعه تمانيه ونص كنا امام بوابه الزيارة جوه
واول ما كان موجود معانا فى الطفطف اولاد المهندس خيرت الشاطر "الاخوات" وابنائهم الصغار
الولاد الصغيرين قعدوا ينادوا على العسكرى علشان يفتح لهم ""افنح ياعمو ابو سعيد عايز اشوف بابا" ده اعتقد سلمان وانس احفاد الشاطر "
المهم دخلنا حوالى الساعه تسعه ميعاد الزيارة وده كله والامر ميخلاش من شويه غلاسه فى التفتيش
المهم دخلنا مكان الزيارة مكان ضيق ومش ولابد
مكان لا يليق بارقى وانقى واغلى ناس فى مصر
اول واحد دخل علينا مهندس ايمن عبد الغنى ربنا يكرمه سلمنا عليه طبعا استقبلنا باهلا يا اخونا كلمته الشهيرة
وتانى واحد كان الحاج حسن مالك ربنا يكرمه دخل وسلم علينا وعرفته بنفسى
وبعد كده بقيت الاخوة الا ان جاء الحاج محمود انتفضت من مكانى لاسلم عليه
ست شهور ولم اره وكان الحمد لله لقاء تمام الراجل اخدنى بالحضن يجى نص ساعه

وقعدنا وجه عبد المنعم محمود وعرفته بنفسى او بممعنى اصح الحاج محمود كل ما حد يجى من جوة او برة يعرفه عليا ويقوله ده فاروتا المصرى والحمد لله كان فى ناس تعرفنى من غير ماتشوفنى من خلال الحاج محمود ومن خلال الشعر اللى كنت ببعته طرة مع الزيارات
وبعدها الاسد البطل المهندس خيرت الشاطردخل وقمت سلمت عليه وانا بسلم عليه اخدنى بالحضن قلتله فى ودنه " فاروتا المصرى" قالى ازيك يا ابو حميد الف شكر عالكلام الحلو اللى انت بتبعته هنا
الله على هذا الرجل ربنا يكرمه
وبعدها كتير من الاخوه فك الله اسرهم
اما بقى المهندس احمد النحاس وزوجته ابنه الاستاذ الكبير محمد حسين فلهم فى قلوب الناس هناك مكانه كبيرة
ومهندس سعيد سعد كان قاعد معانا هو وابنه الدكتور وبعدنا قاعد مهندس احمد شوشه ابو معاذ" المؤذن الصغير".....0
وكمان ابو يوسف او الدكتور ضياء فرحات وابو احمد عبقرينو ربنا يثبتهم جمعيا
وكمان الشيخ سيد معروف والدكتور العالمى خالد عبد القادر عوده ابن الشهيد عبد القادر عوده
ناس والله مافى زيهم فى البلد دى
انا مش عارف
==================
ناس يقعدوا فى زنازين وعنابرجوه السور
فيهم مهندس وعالم وتاجر وكمان دكتور
والحراميه قاعدين فى بيوت وقصور
يقتلوا فينا يبيعوا اراضينا من غير دستور
يحرقوا احلامنا يسرقوا ايامنا سنين وشهور
بالذمه ده اسمه كلام ياشعبى المقهور
ياشعب كل امله يعيش مستور
اصحى وفوق بكرة الدايرة عليك هتدور
اصحى واقوم مالك كده نايم مخمور
سيبك من الضلمه وعيش وسط النور
اصحى بكرة هتنام كتير فى القبور
عايش ليه خايف ليه من شويه قشور
================
بعد ده كله كان وقت الزيارة محدود ومكان الزيارة غير صالح للاستخدام الادمى
وطبعا حال الاخوة لايخفى على احد حيث المتاح ليهم يتمشوا فيه كل يوم وقت بسيط جدا
داخل العنبر طول النهار
انتظروا الجزء التانى ان شاء الله

هناك ١٧ تعليقًا:

عصفور المدينة يقول...

بارك الله فيك
وكل عام وأنت بخير
وفك الله أسرهم

غير معرف يقول...

ايه دا ياد يا فاروتا

دانتا مشهور ياد وانا معرفش

اكن الشاطر بيقولك يا بو حميد


صحيح اللي ميعرفك يجهلك يا فاروتا

رفعت راسنا ياااااااااد
وبعدين شعر جميل كالعادة

فاروتا المصرى يقول...

اخ عصفور جزاكم الله خيرا

حبيبى مصراوى
احنا غلابه ياعم
ربنا يستر
جزاكم الله خيرا

ammola يقول...

ربنا يفك اسرهم جميعا
ويكرمك انك رايح تزورهم فى عيد ميلادك
فكرة انسانية جميلة

فاروتا المصرى يقول...

الله يكرمك يا اخت امولا وجزانا واياكم

فعلا ان الواحد يقضى يوم ميلاده مع اشرف واطهر ناس فى البلد دى حاجه عظيمه فعلا

mo'men mohamed يقول...

حسبى الله ونعم الوكيل أخى
ربنا معاهم و يفك أسرهم يا رب
انا فعلا نفسى أشوفهم و أزورهم
بس ما باليد حيله
خليها على الله
أكيد فى فرصة جايه ان شاء الله

me يقول...

ربنا يفك أسرهم عن قريب

و يكرمك ويجعله في ميزان حسناتك

وكل عام وانت إلى الله أقرب

رينـــــــــــا يقول...

عاااااااااااااااااااااااااااا
هو انا مش سيبت كومنت هنا
عااااااااااااااا
شكلك حذفته يا فاروتا
ياله خير
الحمد لله انك اطمنت عليه
يارب ان شاء الله يكون با الف خير
وربنا يهون على ساكنى الزنزانات اصحاب الحق
ويولع فى اصحاب القصور الحراميه
قول امين

فاروتا المصرى يقول...

الاخت خديجه جزاكم الله خيرا
وتقبل الله منا ومنكم

فاروتا المصرى يقول...

الاخت رينا مش عارف هو حضرتك سيبتى تعليق هنا؟
ممكن يكون اتحذف بس مش انا اللى حذفته والله
وجزاكم الله خيرا وربنا يثبتنا ويتقبل منا
الفرح امتى؟؟

آميين

عمرو المصري يقول...

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

FadFadA يقول...

يقول أحمد مطر

وقفت في زنزانتي أقلب الأفكار
أنا السجين هاهنا
أم ذلك الجالس في الجوار
فكل ما يفصلنا جدار
وفي الجدار فتحة
يرى الظلام من ورائها وأرقب النهار
لحارسي صغار
وزوجة ودار
لكنه مثلي هنا
جاء به وجاء بي قرار
وبيننا الجدار يوشك أن ينهار
حدثني الجدار .. فقال لي
إن الذي ترثي له قد جاء باختياره
وجئت بالإجبار
وقبل أن ينهار فيما بيننا
حدثني عن أسد
سجّانه حمار

كل عام و أنت إلى الله أقرب , معلهش متأخرة شوية

فاروتا المصرى يقول...

جزاكم الله خيرا فضفضه
ولا متاخرة ولا حاجه يكفى انك زورتنى

مشروع انسان يقول...

الله اكبر
ربنا يكرمك يا رب ويبارك فيك بجد حركت فيا شوقى ليهم واحساسى بيهم ربنا يفك كربهم بس عزاؤنا انهم فى فضل ونعمة ولهم مع الله حال اما نحن فالدور علينا اصعب اللهم وفقنا لما تحب وترضى

فاروتا المصرى يقول...

اخونا امام الجيل
كلامك دايما جميل
لانك انسان فعلا نبيل
اخوانى مصرى اصيل


جزاكم الله خيرا والله الموفق

مشروع انسان يقول...

يا واد يا تقييييييييل
ايه القافية دى ربنا يكرمك

MOSLEMA - مُسلِمَة يقول...

السلام عليكم ورحمة الله وبركاته
لا اعرف ماذا اقول فالكلمات تعجز عن وصف ما نشعر به تجاه أهلنا المعتقلين من |أجلنا

نفسي فعلا أزورهم
ثبتهم الله ونصر بهم الأسلام وعزَّ المسلمين